МИЗИ МУДАВВАР ДАР МАВЗУИ «НАҚШИ ДАВЛАТ, ҶОМЕА ВА ВАО ДАР ПЕШГИРӢ ВА МУБОРИЗА БО ШИКАНҶА»

Санаи 20 июни соли ҷорӣ бо ташаббуси Ташкилоти Ҷамъиятии «Машваратчиени ҳуқуқии Ҷумҳурии Тоҷикистон» ва Ширкати телевизион ва радиои «АЗИЯ» мизи мудаввар дар мавзуи «Нақши давлат, ҷомеа ва ВАО дар пешгирӣ ва мубориза бо шиканҷа» сабт гардид. Ёдовар мешавем, ки ин ташаббус дар чаҳорчӯби лоиҳаи «Машваратчиени халки зидди шиканча!», ки бо дастгирии молиявии «Шарикии байналмилалӣ оид ба ҳуқуқи инсон – IPHR» амалӣ мегардад, имконпазир гардид. Чорабинии мазкур бахшида ба «Рузи байналмилалӣ алайҳи шиканҷа», ки ба 26 июн рост меояд, ташкил ва гузаронида шуд. Дар чорабинии мазкур Роҳбари НВҲИ Суғд – Ҳамидова Х, мутахассиси пешбари НВҲИ Суғд – Мамадҷонова М., муовини сардори Раёсати адлияи вилояти Суғд – Самадзода И.А., мутахассиси шубаи Раёсати адлияи Суғд – Исозода Н., сардори шубаи суди гарнизони вилояти Суғд – Холзода М.Ш., муовини сардори Раёсати иҷрои ҷазои ҷиноятӣ дар вилояти Суғд – Ҷамилзода Ф.М., муфаттиши ШТ РВКД – Маҳмадов У.А., судяи суди вилояти Суғд – Аҳмадзода Ф., Адвокати коллегияи адвокатҳои вилояти Суғд – Фаррух Абдулло,  машваратчиени халқии суди вилояти Суғд,  намояндагони ташкилоти ҷамъиятии «Дунеи ҳуқуқ» ва «Машваратчиени ҳуқуқии Ҷумҳурии Тоҷикистон», ки аъзои «Эътилофи зидди шиканҷа» мебошанд, иштирок намуданд.

Дар доираи чорабинӣ суолҳои зерин баррасӣ карда шуданд:

– Шиканҷа чист? Кадом санади меъёрии ҳуқуқӣ шиканҷаро ҷиноят эътироф мекунад? Дар бораи мисолҳои воқеии шиканҷа ва ҷазоҳои татбиқшуда маълумот пешниҳод намоед. Шахсоне, ки нисбаташон шиканҷа Карор дода шудааст, чӣ тавр метавонанд дар бораи ҳодисаи рухдода хабар диҳанд? ва чанд суолҳои дигар.

Дар қисми ҷамъбастии чорабинӣ иштирокчиен ба хулоса омаданд, ки натанҳо барои баланд бардоштани маърифати ҳуқуқии аҳолӣ, балки барои баланд бардоштани дараҷаи муълумотнокии кормандони сохторҳои гуногун оиди ҷавобгарӣ барои вайрон намудани ҳуқуқҳои инсон ва шаҳрванд бояд мунтазам дар ҳамҷоягӣ корбарӣ намуд. Дар ин нуқта чорабинӣ чамбаст гардид.