ВАРАҚАИ МАТБУОТӢ

Лоиҳаи «Таъмини дастгирии иттилоотӣ ва ҳуқуқӣ ба намояндагони ВАО тавассути ислоҳоти ҳуқуқӣ дар Тоҷикистон»

бо дастгирии Фонди  Демократии СММ (ФДСММ)

Хуҷанд, 12 январи  2022 с.                                                

Ассотсиатсияи «Машваратчиёни халқии Ҷумҳурии Тоҷикистон» (APART) дар хамкорӣ бо Ваколатдор оид ба Ҳуқуқи Инсон дар Ҷумҳурии Тоҷикистон ва Ташкилоти Ҷамъиятии «Ташаббусҳои рушди деҳот» дар доираи лоиҳаи «Таъмини дастгирии иттилоотӣ ва ҳуқуқӣ ба намояндагони ВАО тавассути ислоҳоти ҳуқуқӣ дар Тоҷикистон», ки ҳадафи лоиҳаи мазкур барои баланд бардоштани маърифати ҳуқуқии намояндагони ВАО равона карда шудааст. Дар доираи лоиҳа санаҳои 15,16 ва 17 феврали соли 2022 тренинги 3 – рӯза  дар  мавзӯи “Медиа – ҳуқуқшиносон барои ҳифзи ҳуқуқ ва манфиатҳои намояндагони ВАО” баргузор хоҳад шуд.   

Барномаи зикргардида,  масъалаҳои мубрами  замони имрӯза  аз қабили “Санадҳои меъёрӣ – ҳуқуқии ҶТ дар самти фаъолияти ВАО”, “Меъёрҳои байналмиллалии ҳифзи ҳуқуқу манфиатҳои намояндагони ВАО” ва  инчунин “Нуқтаҳои мубрами омӯзиши саводи иттилоотӣ” – ро дарбар мегирад, ки аз ҷониби тренерони соҳибтаҷриба Раиси Иттифоқи адвокатҳои вилояти Суғд Садриддин Саидов ва рӯзноманигор Ҷамшед Марупов гузаронида мешавад.

Маълумоти муфассалро метавонед, аз сомонаи  www.apart.tj   дастрас намоед.

Маълумот барои тамос:   

Муҳидинова Мижгона  – Ҳуқуқшиноси  Лоиҳа

Суроға: шаҳри Хуҷанд, кӯчаи К.Хуҷандӣ 185, утоқи №6.

Тел: +992 92 775 57 55;

Факс: 83422 6 – 09 – 03;

E-mail: apart.tj@gmail.com;

Сомона: www.apart.tj.